चैत्र १८, धरान । उच्च शिक्षाका लागि विदेश जाने विद्यार्थीलाई लक्षित गर्दै पूर्वका विभिन्न स्थानमा शैक्षिक मेला हुने भएको छ । इडेन एकेडेमी धरानको आयोजनामा आउँदो चैत्र २४ गतेदेखि ३० गतेसम्म मेगा एडु फेयर हुने भएको हो ।
मोफसलमा रहेका विद्यार्थीलाई ABROAD STUDY का विविध विषयमा परामर्श दिने उद्देश्यले आयोजना गर्न लागिएको एडु फेयर विराटनगर, इटहरी, विर्तामोड र धरानमा हुने छ ।
इडेन एकेडेमी प्रिजेन्टस रहेको एडु फेयरमा प्लस टु र ब्याचलर उत्तिर्ण गरेका विद्यार्थीलाई अष्ट्रेलिया, जापान, आयरल्याण्ड, इण्डिया जस्ता देशहरुको शैक्षिक जानकारी दिईने आयोजक इडेन एकेडेमीका डाइरेक्टर मोहन तिगेलाले बताए । ‘अहिलेसम्म पूर्वमा सेमिनारहरु मात्र भए, विद्यार्थीहरु ABROAD STUDY को जानकारी लिन भनेर काठमाडौं सम्म जाने बाध्यता थियो । त्यो बाध्यताको अन्त्य गर्न यस पटक फेयर गरिरहेका छौं ।’ तिगेलाले भने ।
फेयरमा विद्यार्थीले विश्वका उत्कृष्ट शैक्षिक प्रणाली भएका देशहरुका विश्वविद्यालय र कलेजका बारेमा जानकारी हासिल गर्न सक्नेछन् । भने, भिजा प्रकृया, लागत, भाषा प्रशिक्षणका विषयमा समेत विज्ञहरुबाट निःशुल्क परामर्श लिन पाउने ब्यवस्था छ ।
फेयरमा अष्ट्रेलिया, जापान, आयरलेण्ड र इण्डियाका उत्कृष्ट कलेजहरुका प्रतिनिधिबाट शैक्षिक परामर्श लिन पाउने ब्यवस्था गरिएको छ । अस्ट्रेलियाको फेडेरेसन युनिभर्सिटी अफ अस्ट्रेलिया, चार्ल्स डार्विन युनिभर्सिटी, युनिभर्सिटी अफ सनसाईन कोस्ट, एआइविटी, हार्वर कलेज, आइएचएनए, आरजीआइटी, युनिभर्सिटी अफ साउर्थन क्विन्सलेण्ड लगायत कलेजका प्रतिनिधिहरुको फेयरमा सहभागीता रहनेछ ।
यसै गरी जापानको जेएसएल निप्पोन कलेज, इण्डियाको मोदी विश्वविद्यालय, रुङटा विश्वविद्यालय र श्री विद्यानिकेलन कलेज तथा आयरलेण्डका राम्रा कलेजको समेत सहभागिता रहने बताईएको छ । फेयरमा आइडिपीले क्ष्भ्ीत्क् को बारेमा जानकारी दिने मोहन तिगेलाले जानकारी दिए । बैकिङ परामर्शमा लक्ष्मी बैंकले परामर्श दिने छ ।
फेयर यहि चैत्र २४–२५ गते विराटनगरको नमस्कार होटल, २६ गते इटहरीको मनशान्त पार्टी प्यालेस, २७ र २८ गते विर्तामोडको हनुमान कम्प्लेक्स र २९ र ३० गते धरानको अग्रसेन भवनमा हुनेछ । विद्यार्थीले फेयरमा निःशुल्क अवलोकन गर्न पाउनेछन्।
फेयरमा आएका विद्यार्थीलाई अायाेजकले आकर्षक गिफ्ट ह्याम्परको समेत ब्यवस्था गरेको छ । फेयरको सपोर्टेडमा डटलिंक एकेडेमी, एननिओआईएमई विर्तामोड र लिँकन एकेडेमी विराटनगर रहेका छन् ।
No comments:
Post a Comment