गांमबेसीको चेपाङ संरक्षण केन्द्रमा आश्रित बालबालिकाहरुलाई आज दुध,दहि ,विस्कुट खुवाइयो

गांमबेसीको चेपाङ संरक्षण केन्द्रमा आश्रित बालबालिकाहरुलाई आज दुध,दहि ,विस्कुट खुवाइयो जेठ १८ गते मंगलपुरमा रहेको गांमबेसीको चेपाङ संरक्षण केन्द्रमा आश्रित बालबालिकाहरुलाई आज दुध,दहि ,विस्कुट खुवाईएको छ ।१५ औ विश्व दुग्ध दिवसको अवसरमा जिल्ला दुग्ध उत्पादक सहकारी संघ चितवनले केन्द्रमा आश्रित बालबालिकाहरुलाई दुध,दहि ,विस्कुट खुवाएको हो । केन्द्रिय दुग्ध उत्पादक सहकारीका केन्द्रिय सदस्य एवम अमृतधारा दुग्ध उत्पादक सस्थाका लिमिटेड रत्ननगर १ का अध्यक्ष एकनारायण पौडेलको प्रमुख आतिथ्यता एवम जिल्ला पशु सेवा कार्यालयका डा.राम कुमार कार्की,रेडियो अर्पणका कार्यकारी अध्यक्ष एवम अभियान टेलिभिजनका प्रवन्ध निदेशक वेद प्रसाद आचार्य,केन्द्रिय दुग्ध उत्पादक सहकारीका केन्द्रिय सदस्य एवम अन्नपूर्ण दुग्ध उत्पादक संहकारी सस्था लि.का अध्यक्ष हरिहर सुवेदिको अध्यक्षतामा सम्पन्न उक्त कार्यक्रममा बोल्ने बक्ताहरुले दुधको मुल्यमा भएको गिरावट र खपत नभई उत्पादन खेर गईरहेको परिप्रेक्ष्य समेतलाई सबै पक्षबाट सम्बोधन गरि दुध पूर्ण पौष्ट्रि««्रक तत्वको रुपमा रहेकोले अमृत सरह रहेको दुधको सदुपयोगिता र महत्वलाई ध्यान दिनु पर्ने बताउनुभयो । जिवनधारा दुग्ध दुग्ध उत्पादक संहकारी सस्था लि.का अध्यक्ष तिलकराज शर्मा पौडेलको संयोजकत्वमा भएको उक्त कार्यक्रममा डा. राम कुमार कार्कीले नगद रु २५ सय ,खगराज पाठकले रु १ हजार व्यक्तिगत रुपमा संरक्षण केन्द्रको सर्बद्धनका लागी सहयोग गर्नुभएको थियो ।केन्द्रका प्रमुख केपि किरण शर्माले स्वागत गदै पवित्र भावनाले पिछडिएका चेपाङ बालबालिकालाई उज्जवल भविष्य दिनका लागी केन्द्रले सवैको सहयोग लिदै कार्य गरिरहेको बताउदै अरुको सहयोगबाट नै सन्चालन हुने यस केन्द्रको दिगो विकासमा सबै क्षेत्रको सहयोग प्राप्त भइरहेकोमा खुसी व्यक्त गदै आगामी दुई वर्ष भित्र १ हजार चेपाङ बालबालिकालाई संरक्षण गर्ने योजना रहेको बताउनुभयो ।संघका सचिव लोकनाथ सापकोटाले सन्चालन गर्नुभएको कार्यक्रमका संयोजक तिलकराज शर्माले सबैमा धन्यवाद व्यक्त गर्नुभएको थियो ।