New Nepali Panche Baja Dance Compilation | पञ्चेबाजा मनपर्नेहरुले छोड्नै...

बाढि प्रभावितलाई रेडियो अर्पण र अर्पण साकोसले आवास निर्माणमा सहयोग गर्ने

चितवन रत्ननगर–०१,  बकुलहरमा रहेका दुई संस्थाहरु सामुदायिक रेडियो ,रेडियो अर्पण १०४.५ मेगाहर्ज तथा अर्पण बचत तथा ऋण सहकारी सस्था लि. ले हरेक वर्ष हरितालिका पर्व तीजको अवसरमा संचालन गर्दै आएको अर्पण तीज महोत्सवको यो वर्षको संस्करण संचालन नगर्ने निर्णय गरेको छ । द्दय सस्थाको हिजो आइतबार बसेको संयुक्त बैठकको निर्णयानुसार हालै आएको वाढिको प्रभावबाट हुन पुगेको जन धनको क्षति प्रति गहिरो दुःख प्रकट गर्दै त्यसतर्फ सहयोग जुटाउने गरि यस्तो निर्णय गरेको रेडियोका सचिव सुरज पौडेलले जानाकारी दिनुभयो । सो बैठकबाटै  संस्थाले स्थापना गरेको अर्पण आपतकालिन राहत कोषमा अर्पण साकोसका शेयर सदस्यहरुबाट प्रति शेयर सदस्य रु.१ हज्जारका दरले रकम संकलन गर्न समेत आग्रह गर्नुका साथै यस आपतकालिन कोषमार्फत सहयोग गर्न चाहने जो कुनै व्यक्ति तथा संघ संस्था, बचतकर्ता सदस्य, श्रोता एवं विज्ञापनदाता सबैमा अर्पण साकोसमा रहेको कोषको खातामा नगद जम्मा गर्न सकिने गरि आग्रह समेत गरिएको अर्पण साकोसका कोषाध्यक्ष मेघनाथ पौडेलले बताउनुभयो । द्दय संस्थाका अध्यक्ष वेद प्रसाद आचार्यले उक्त कोषबाट संकलित रकमलाई रत्ननगर नगरपालिका वा खैरहनि नगरपालिका क्षेत्रमा बसोबास गर्दै आएका सुकुम्बासीहरुको आवास विहिन हुन पुगेकालाई स्थानीय निकायको समन्वयमा आवास निर्माणमा सहयोग गरिने गरि व्यवश्था मिलाइने भएकाले सबैमा सहयोगका लागि अनुरोध गर्नुभएको छ । यस अघि पनि २०७२ को बैशाख १२ गते गएको भुकम्प र त्यसपश्चात्का पराकम्पनबाट भएको क्षतिमा राहत संकलन गरि धेरै ठाँउमा अत्यावश्यकीय राहत सामाग्रि वितरण गर्दे यस क्षेत्रमा अब्बल सामाजिक संस्थाका रुपमा परिचित गराएका यी संस्थाले गत  श्रावण २८ र २९को बाढीबाट प्रभावितलाई भने आवास निर्माणमा सहयोग गर्ने भएको छ । बैठक द्दय संस्थाका अध्यक्ष वेद प्रसाद आचार्यको अध्यक्षतामा सम्पन्न भएको थियो ।

रत्ननगरका कृयाशिल दलले पोखे स्थानिय सरकारको कार्यशैली प्रती असन्तुस्टी

रत्ननगरमा कृयाशिल एमाले बाहेकका ९ दलले माओवादी केन्द्रका रत्ननगर नगर इन्चार्ज कंचन खनालको अध्यक्षतामा बैठक बसी रत्ननगरको स्थानिय सरकारका प्रमुख नारायण बन तथा उपप्रमुख बिमला दुवाडीलाई प्राकृतिक प्रकोप सम्बन्धमा तथा मतदाता नामावली अध्याबधिक सम्बन्धमा आफ्नो गम्भिर ध्यानाकर्षण पत्र बुझाएका छन । श्रावण २८ र २९ गते मुलुकभर परेको अबिरल बर्षाका कारण भएको बाढीको प्रकोपले चितवन जिल्ला रत्ननगर नगर कार्यपालिकाका बिभिन्न वडाहरुमा पुर्याएको क्षती प्रती गम्भिर ध्यानाकर्षण प्रकट गर्दै दलहरुले स्थानिय सरकारको रुपमा तत्काल पीडित लाई राहत महसुस गराउने खालको ठोस र उदाहरणीय निर्णय गर्न सुझाब दिएका छन । सो का लागि पीडित हरुलाई एक बर्षको एकिक्रित सम्पत्ती कर मिनाहा गर्न दल हरुले सुझाएका छन । ध्यानाकर्षण पत्र माओवादी केन्द्र रत्ननगरका इन्चार्ज कंचन खनालले मेयर नारायण बनलाई हस्तान्तरण गर्नुभएको थियो । नेपाली कांग्रेस रत्ननगर नगर सभापति रुपनराज घिमिरेले ध्यानाकर्षण पत्र पढेर सुनाउनु भएको थियो ।
मतदाता नामावली अध्याबधिक गर्ने कार्यमा निर्वाचन कार्यालय लाई धन्यवाद प्रकट गर्दै दलिय आस्थाका आधारमा केही जनप्रतिनिधी बाट नागरिकको लोकतन्त्रमा आफ्नो मताधिकारलाई बन्चित गराउने कृयाकलाप प्रती आपत्ति प्रकट गरेका छन । केही स्थानिय सरकारका कर्मचारी समेत त्यसमा लाग्नु दु:खद र खेदपूर्ण रहेको आशय समेत दलहरुले ब्यक्त गरेका थिए ।

#Flood | आईतवार श्रावण २९ गते पुर्वी चितवनमा आएको #बाढी चित्रसारी बाट चि...

कृष्ण भगवानको जन्मदिनको शुभकामना

"यदा यदा ही धर्मस्य, ग्लानिर्भवति भारत |
अभ्युत्थानम् धर्मस्य, तदात्मनं सृजाम्यहम् ||"
हातमा मुरली, शिरमा मयूरको प्वाँख, शितल बगैंचामुनी, जीवजन्तुहरुको साथमा गोपिनीहरूको मायामा बाँसुरीको मधूर धून यस्तै वातावरणमा विराजमान प्यारा भगवान श्री कृष्ण आजैकाे दिन मामा कंशको कैदमा रहेका पिता वासुदेव र माता देवकीको गर्भबाट वहाँको जन्म भएको मान्यता रहिअाएको छ । अाज उनै भगवान श्री कृष्णको जन्मदिन ।

संसारभरका हिन्दु धर्मावलम्वी अनि श्री कृष्णका भक्तहरुले आज प्रिय भगवान कृष्णको जन्मदिवस मनाउँदैछन् । अत्यन्तै चहक र अति प्रभावशाली व्यक्तित्वका धनी भगवान श्री कृष्णले बाँसुरी बजाएरै सबैलाई मन्त्रमुग्ध पार्न सक्दथे । उनको मुस्कानमा हर्ष छ, मनको सौन्दर्यता र सौम्यताको अद्भभूत संगमयूक्त उनको कालो घुम्रिएको कपालमा मयूरको प्वाखँ सजिएको हुन्छ, गलामा सुगन्धित रङ्गीचङ्गी फूलको माला पहिरीएका कृष्णका पोशाकका रगंहरु बिजुलि चम्किंदाको जस्तो चम्किलो हुन्छन् र उनको पैतालाका नङ्गका रगंहरुले चन्द्रमाको आभाष मिल्छ ।

त्यस्ता व्यक्तित्वका धनी उनै श्री कृष्णको परिचयका श्रृंखला थुप्रै छन् । मख्खन चोर, बदमाश, गोपिनीहरूका पानी र दुधका घैला फूटाउने चकचके जस्ता अनेक कार्यहरू 'कृष्णलिला' को पगरी गुथेर परिचित छन्, बदनाम तर पनि सबैका प्रिय पात्र । उनका कथाहरु र घटनाहरु बृन्दावन, मथूरा र यमुना किनारमा मात्र नभई सम्पूर्ण भू-लोकमैं चर्चित छन् । उनि सम्पूर्ण रुपमा अाफ्नो व्यक्तित्वका कारण सबैलार्इ आकर्षण गर्नसक्ने दीव्य व्यक्तिका रुपमा अझै पनि चर्चित छन् ।

गोविन्द, कान्हा, कन्हैया, काले, मुरलीमनोहर, श्यामसुन्दर, माखनचोर आदि थुप्रै नामबाट पुकारिएका यी कृष्ण कालेलाई जगतका सम्पूर्ण घटनाको मुख्य सर्जकका रुपमा पनि सम्झिइने र पूजा गरिने गरिन्छ ।

भगवान श्री कृष्णको नामसंगै राधाको नाम पनि बडो अास्थाको साथ लिइन्छ र पुजिन्छ पनि । राधा कृष्णका मन्दिरहरु संसारभरि धेरै ठाँउमा छन् तर राधा कृष्ण्को मिलन र विवाहको प्रसंग भने इतिहासले लिपिवद्ध गरेको छैन बरू इतिहासले रुकमिणी र कृष्णलाई विवाह बन्धनमा बाँधिएको कुरा उल्लेख गर्छ । कृष्ण धारावासीको कृती राधाले वास्तवमै राधाको मनोविज्ञान र केही हदसम्म कृष्णको राधाप्रतिको उदासिनतालाई प्रस्तुत गरेको थियो तर फेरि कृष्ण र राधाको प्रेमले संसारलाई विवाह हुनैपर्छ भन्ने सम्बन्ध अनि प्राप्तीको आशक्ति बाहिरको सुन्दर प्रेमको उदहारण पनि दिएको छ ।

कृष्णका कुरा गर्दा 'मीरा'लाई पनि इतिहासले बिर्षन खोजेको जस्तो भान हुन्छ, मीरा वास्तवमा एक गृहस्ति जीवन व्यतित गरिरहेकी महिला थिइन जुन कृष्णको अाकर्षण र अनुभूतीमात्रैले पनि सम्पूर्ण कुराहरु त्यागेर कृष्णको खाजिमा निस्किइन । मीराका भजनहरुमा र संगीतमा कृष्णमोह पाइन्छ, समर्पण र सुफिभावनाको एउटा अनुकरणीय उदहारण संसारले सिक्न जरुरी छ ।

श्री मद्भाग्वत गीतामा कृष्ण स्वंले अर्जुनलाई भनेका छन्ः
"यदा यदा ही धर्मस्य, ग्लानिर्भवति भारत |
अभ्युत्थानम् धर्मस्य, तदात्मनं सृजाम्यहम् ||"

अर्थात्ः
"जब जब संसारमा धर्मको हानी हुँदै गएर अधर्म हावी हुँदै जान्छ,
तब तब धर्मको रक्षाकालागि म स्वयम यस धर्तीमा नयाँ अवतार लिएर अाउनेछुँ ।"

महाभारतमा पाण्डव र कौरवहरु विच युद्धको पल कृष्ण पाण्डव पक्षमा थिए । कौरवहरुसँग धेरै सैन्य र युद्ध कौशल भएको कारण पाण्डव तर्फका अर्जून एकदम्मै अशान्त थिए । एकातर्फ युद्धको अवस्था अनि अर्कोतर्फ काैरव सेनामा आफ्नै दाजुभाई र पितामह (हजूरबुवा) सम्मिलित विरूद्धको लडाई, हार र जीत दुवैमा निराशा थियो । श्री कृष्ण आफू जगतपुरुष भएपनि अर्जूनको मनाेवल बढाउने उनको एउटा सामान्य सारथी (एक जोडी घोंडायूक्त रथ हाँक्ने व्यक्ति)का रुपमा युद्धमा साथ दिएर "काम कहिले पनि सानो ठुलो हुँदैन" भनेर अनेकानेक साना ठूला कार्यप्रतिको समानता अनि कर्म र फलबिचको सम्बन्धको व्याख्यालार्इ प्रेरणाको रुपमा उदाहरण प्रस्तुत गरेका छन्ः

"हे अर्जुन तिमी किन युद्धको परिणामका बारेमा व्यर्थ चिन्ता लिन्छौ ? कर्म गर फलको आशा नगर ।"

एकातर्फ न्याय र धर्मको रक्षार्थ विनाश अनि युद्धको नियतिसंग समानान्तर रूपमा गएको कृष्णको जीवन अर्कोतर्फ शान्ति र मानवतातर्फ पूर्ण रुपमा निर्दिष्ट छ । विभिन्न प्रसंगमा भगवान श्री कृष्णको व्याख्या गरींदा उनको छेउछाउ जीव जन्तु, चराचरहरूको पनि नामका कारण जीव-जन्तु र चराचरप्रतिको सेवा र स्नेहको सम्बन्ध पनि सुमधुर छ ।

श्री मद्भागवत् गीताका अनुसारः भगवान श्री कृष्णको जन्म, लिलाहरू र उपस्थिती एकदमै अलौकीक छ, जसले ति कुराहरु बुझ्न सक्दछ उसले स्वतः अध्यात्मिक जगतमा प्रवेश पाउँदछ । कृष्णको जन्म र भौतिक उपस्थिती हामी सामान्य मानवहरुकोलागि पूर्वजन्मका कार्यको फलको रुपमा भएको हैन र आफ्ना भक्तहरुलाई आफ्नो माया-प्रेम दर्शाउन र उनिहरुलाई न्याय दिन यस धर्तीमा प्रवेश गरेको उल्लेख छ ।

हामी मध्ये धेरैले कृष्ण र उनको अवतारलाई टिभी सिरियलहरुमा देखेका छौं, उनको अवतार र कृष्ण नामको पात्र हामी मन पनि पराउँछाैं । उनको सुमधूर व्यक्तित्वको परिकल्पना पनि हामी गर्छाैं, तपार्इ चाहे जुनसुकै धर्म या समूदायको हुनुहुन्छ, कृष्णलाई धर्मभन्दा पर राखेर एउटा स्नेहमयी इतिहासका रुपमा भगवान श्री कृष्णलार्इ लिएर हेरौं, उनका वाक्यहरुमा अर्थात् भागवत् गीतामा एउटा दर्शन छ, एउटा इतिहासको संक्षिप्त सार छ, नैतिक शिक्षा, यूद्ध काैशल, राजनीति अनि एउटा फरक जीवन स्मृति छ ।

कृष्णसम्म यो संन्देश पुग्ने हो भने उनको फेरि धर्तीमा आउने बेला भएको छ, धर्तीलाई माया चाहिएको छ ।

तिनै भगवान श्री कृष्ण कालेको जन्मदिनमा सबैलाई माया र उत्साहको शुभकामना ।

हरे रामा हरे कृष्ण
हरे कृष्ण हरे हरे
----
कति राम्रो बृन्दावन शहर
सललल गरि बगेकी यमुना
बृन्दावनको झिलीमिली कृष्णजीको दर्शन
कृष्णजीको दर्शन गर्ने सबै पार तर्छन (॥ૐ॥)

Bikash Lamsal Parliament Speech | "यो पाराले मङ्सिरमा चुनाव हुने छाट छैन...