BIPS MEDIA PVT. LTD.: April 2016

Sunday, April 10, 2016

होमनाथ सापकोटा,
रत्ननगर २७ चैत,
चितवनका ६ वटा पहाडी गाविसमा चेपाङ महिलालाई स्थानीय स्वास्थ्य संस्थाहरुले प्रदान गर्ने सेवा तथा सुविधाका वारेमा प्रशिक्षण दिईएको छ । डेक नेपाल सौराहाले सञ्चालन गरेको चेपाङ महिला शशक्तिकरण परियोजना अन्र्तगत काउले,चण्डिभन्ञ्याङ,शक्तिखोर,

सिद्धि,कोराक र लोथरका चेपाङ महिलाहरुलाई प्रशिक्षण दिईएको हो । प्रत्येक गाविसमा ४५ जना गरी २७० जना चेपाङ महिला र पुरुषहरुको सहभागिता रहेको परियोजनाका संयोनक जनक कार्कीले जानकारी दिए । कार्यक्रममा चेपाङ महिलालाई स्थानीय स्वास्थ्य संस्थाले प्रदान गर्ने प्रजनन् स्वास्थ्य,मातृत्व,वाल स्वास्थ्य,परिवार नियोजनका वारेमा जानकारी गराईएको थियो । साथै उनीहरुलाई कृषि अन्र्तगत मौसमी तरकारी खेतीको बरेमा तालिम दिएर ७५० घरधुरीलाई विभिन्न ६ जातका लहरे तरकारी खेतीको बीउ वितरण गरिएको परियोजनाका संयोजक कार्कीले बताए । कार्यक्रममा स्वास्थ्य संस्थाले प्रदान गर्ने सेवा सुविधाका वारेमा सम्बन्धित गाविसका स्वास्थ्य चौकी प्रमुखहरुले तथा परियोजनाका संयोजक कार्कीले महिला नेतृत्व,समाजिक जवाफदेहीता र समावेशीकरण वारे सहजीकरण गरेका थिए । त्यसैगरी शनिवार लोगर गाविसको यौरेलीटारमा चेपाङ महिला पैरवी मञ्चका सदस्यहरुलाई कृषि,स्वास्थ्य तथा सामाजिक जवाफदेहीताको वारेमा प्रशिक्षण दिईएको छ । कार्यक्रममा पैरवी मञ्चले अहिले सम्म गरेका विभिन्न कामको वारेमा छलफल समेत गरिएको थियो । छलफलका क्रममा अगुवा चेपाङ महिलाहरुले गाविसमा स्वास्थ्य,सरसफाई,आयआर्जन,सामाजिक परिचालन,योजना निर्माण प्रक्रियामा सहभागिता जनाउन महिलाहरु सक्षम हुदै गएको बताएका थिए । ६ वटा गाविस सो परियोजना लागु भएपछि चेपाङ महिला पैरवी मञ्चका सदस्यहरुले स्थानीय सरकारी निकायहरुसंग विकासका योजनाहरु माग गर्ने गरेका परियोजनाका संयोजक कार्कीले बताए ।

Thursday, April 7, 2016

तरकारी खेति मार्फत चेपाङ्ग महिलाहरुको सशक्तिकरण

रामु आचार्य सिद्धि, चितवन २४ चैत्र २०७२ डेक नेपाल सौराहा द्वारा आयोजित चेपाङ्ग महिला पैरवी मंच संजाल बैठकको चौथो दिन आज चितवनको पहाडी गाबिस सिद्धिमा तरकारी खेति सम्बन्धि प्रशिक्षण कार्यक्रम सम्पन्न भएको छ ! कार्यक्रम मार्फत मौसमी र बेमौसमी तरकारीको जानकारी ,खेति गर्ने पद्दति लगाएतका बिषयमा कृषि सेवा केन्द्र रत्ननगरका प्रमुख शिबराज पौडेलले प्रशिक्षण प्रदान गर्नुभएको थियो ! कार्यक्रममा चेपाङ्ग महिला पैरवी मंचमा आबद्द ५० जना चेपाङ्ग महिलाहरुको सहभागिता रहेको थियो ! सहभागी चेपाङ्ग महिलाहरुलाई रु.१५००० बराबरको लहरे तरकारीको बिउ वितरण गरिएको छ ! कार्यक्रममा सहजीकरण गर्दै कार्यक्रम संयोजक जनक कार्कीले महिला सशक्तिकरण, नेतृत्व बिकाश, योजना निर्माण लगायतका बिषयमा जानकारी प्रदान गर्नुहुदै महिलाहरु घरायसी काममा मात्र सिमित नभई सिप सिक्दै आय आर्जनको पथमा अगाडी बढ्न आग्रह गर्नुभयो ! त्यस्तै संजाल बैठकलाइ सहजीकरण गर्दै सिद्धि स्वास्थ्य चौकीकि अ.न.मि. प्रभा पाण्डेले स्वास्थ्य सचेतनाको बिषयमा संयमित हुन चेपाङ्ग महिला हरुलाई आग्रह गर्नुभएको थियो ! चितवनका ६ वटा पहाडी गाविसमा आयोजना हुने संजाल बैठकको पाचौ कार्यक्रम कोराकमा र छैठौ कार्यक्रम लोथरमा आयोजना हुने कार्यक्रम संयोजक कार्कीले जानकारी दिनुभएको छ !