रत्ननगरको १३ औं नगर अधिवेशनमा गौतमले उम्मेदवारी दिने

नेपाली काग्रेस रत्ननगर नगर समितिको १३ औं नगर अधिवेशनमा काँग्रेस नेता गोविन्द गौतमले नगर सभापतिमा उम्मेदवारी दिने घोषणा गरेका छन । रत्ननगरमा आज पत्रकार सम्मेलनको आयोजना गरी गौतमले माघ १५ गते हुने नगर अधिवेशनमा सभापति पदमा उम्मेदवारी दिने घोषणा गरेका हुन । १२ औं अधिवेशनमा १८ मत अन्तरले पराजित भएका गौतमले अहिले आफनो जित सुनिश्चित रहेको दावी गरेका छन । दुई हप्ता देखि चुनावी एजेण्डा लिएर कार्यकर्ताको घरदैलोमा पुगेका गौतमले घरदैलोका क्रममा कार्यकर्ताहरुले आफुलाई जिताउने बचन दिएको बताए । नेपाली काँग्रेसलाई आधुनीक पार्टीमा रुपान्तरण गर्न कार्यकर्ताहरुले जझारु नेताको खोजि गरिरहेको भन्दै गौतमले कार्यकर्ताले आवश्यकता महसुस गरिरहेको व्यक्ति आफु रहेको दावी गरे । २२ बर्ष देखि पार्टीमा क्रियाशिल रहेको,कार्यकर्ताको भावना अनुसार काम गरेको,कार्यकर्ताको सशक्तिकरणको लागि खेलेको भूमिकालाई उनले चुनाव जित्ने आधार बनाएका छन । कार्यकर्ताले नगर सभापतिको जिम्मेवारी दिए पार्टीको भवन बनाउने,पुराना कार्यकर्ताको अभिलेख राख्ने,विकास निर्माणमा जनताको सहयत्री बन्ने,पार्टीलाई समावेशीको सिद्धान्त अनुसार चलाउन सबै जातजातीलाई समान भूमिका दिएर अगाडि बढने आयोजा बनाएका छन । उनी यही एजेण्डा लिएर कार्यकर्ताको घरदेलोमा पुगेका छन । नगर सभापति पदको लागि गौतम सहित महेशप्रसाद रौनियार,रुपनराज घिमिरे,भरत खनाल र सम्मर बहादुर मल्लको नाम चर्चामा रहेको छ ।